Langar þig að ferðast, prufa eitthvað nýtt, upplifa ævintýri, læra nýtt tungumál, kynnast öðru landi og menningu? Það er auðveldara en þú heldur.... 

Gamla bókasafnið hafa nú gerst sendisamtök fyrir Evrósku sjálfboðaliðaþjónustuna (EVS). Evrópska sjálfboðaliðaþjónustan, European Voluntary Service, er hluti af ungmennaáætlun ESB, Youth in Action. Þar býðst ungu fólki, 18-30 ára, að vinna sjálfboðaliðastörf erlendis í allt að 12 mánuði.

Þeir sem taka þátt í sjálfboðaliða starfi fá einstakt tækifæri til að kynnast annari menningu og landi auk þess að kynnast fólki allstaðar af úr heiminum. Vel er haldið utan um þá sem fara út á okkar vegum og passað upp á það að þau lendi ekki í vandræðum á ferðalagi sínu. EVS eru risastór samtök sem eru um alla Evrópu það hefur gott skipulag og heldur vel utan um hvern einn og einasta einstakling sem fer út á þeirra vegum. 

Sendisamtök eins og við eigum á að passa upp á að allt gangi vel fyrir sig og að sjálfboðaliðinn hafi alltaf einhvern sem getur aðstoðað hann komi upp vandamál einhverstaðar í ferlinu hvort sem það er í umsókninni, við leit að verkefni eða þegar á staðinn er komið, í vinnunni eða á heimilinu sem viðkomandi býr og aðstoða viðkomandi við umsóknargerðina.

Ef þú hefur áhuga á því að kynna þér þetta betur, hafðu samband við starfsmann okkar og við hjálpum þér að taka næsta skref. Sjálfboðaliði þarf í mesta lagi að standa straum af 10% af ferðakostnaði (10.000 kr ef ferðakostnaðurinn er 100.000). Allur annar kostnaður fellur á móttökusamtökin.

Það er margt sem stendur sjálfboðaliðanum til boða eins og: Fæði og húsnæði Vasapeningur (50-150€ á mánuði, breytilegt eftir löndum Tungumálanámskeið Skyldunámskeið eins og undirbúnings- og komunámskeið, mið-annarmat og lokamat Aðstoð við allt sem snýr að sjálfboðaliðastarfinu hjá sínum móttökusamtökum Hér má finna greinargóðan leiðarvísi fyrir sjáflboðaliða um EVS á ensku og á heimasíðu Ungs fólks á Íslandi á íslensku http://www.euf.is/umfi/euf/forsida/sjalfbodalidastarf/ad_fara_sem_sjalfbodalidi/ Ef frekari spurningar vakna um þetta ferli þá er hægt að hafa samband við starfsmann Gamla bókasafnsins Báru Þorgeirsdóttur barak@hafnarfjordur.is, www.gamlabokasafnid.is kynna sér Handbók EUF áætlunarinnar eða hafa beint samband við Evrópu unga fólksins í síma 551 9300 eða á euf(hjá)euf.is.

Verið velkominn